Lo primièr ministre Geert Bourgeois met en relambi l’an 2019 per parlar de la reforma confederala en Belgica
Aquesta dimenjada passada los flamencs an celebrat lor jorn nacional. Pendent l’acte central, lo primièr ministre Geert Bourgeois anoncièt que Flandra aspira d’aver un ministre dels afars estrangièrs pròpri, desparièr del bèlga.
Bourgeois remembrèt los domenis que Flandra i a de competéncias dempuèi la darrièra reforma de l’estat bèlga e concluguèt que cal una politica exteriora pròpria per l’exercir amb plenitud. Prenguèt l’exemple del comèrci exterior, qu’es una competéncia del govèrn flamenc, e del dialòg sus las minoritats e los afars culturals, ont Frandra a una posicion mai pròcha dels Païses Basses que de Valonia.
Bourgeois establiguèt que l’an 2019 deu èsser una nòva data ont cal prepausar de nòvas reformas de l’estat bèlga, per que venga decididament confederal amb la coexisténcia de dos estats, lo valon e lo flamenc, e amb una estructura comuna minimala.
[Poblejat dins www.jornalet.com]
Sem comentários:
Enviar um comentário