Milan: la justícia italiana permet pas a l’Universitat Politecnica d’adoptar l’anglés coma sola lenga

Considèra que l’imposicion de l’anglés coma lenga exclusiva es discriminatòria e un prejudici despropocionat a la libertat academica

Un jutjament de 2013 del Tribunal Administratiu Regional de Lombardia a anullat la decision de l’Universitat Politecnica de Milan, d’adoptar l’anglés coma sola lenga de l’ensenhament per totes sos programas de mestriá e de doctorat. Segon çò que rapòrta Disvastigo, lo tribunal a considerat que l’imposicion de l’anglés coma lenga exclusiva d’ensenhament a aquela universitat, entretant, constituís un prejudici despropocionat a la libertat academica e qu’es discriminatòria.

 

L’afar se tròba ara davant la Cort constitucionala italiana e desvelha de questions fòrça interessantas tocant los dreches umans e los dreches lingüistics. 

[Image: G. Dallorto - poblejat dins www.jornalet.com]