L’ensenhament de l’occitan al País Niçard avança significativament

Bilanç plan positiu de la darrièra amassada del Conselh Academic de las Lengas dichas Regionalas (CALR) que se debanèt a Niça lo 5 de febrièr passat. Lo rectorat de l’Acadèmia de Niça, dirigit per Claire Lovisi, aculhiguèt de representants d’ensenhants, d’elegits e d’assocacions culturalas, amb la preséncia de Joan Salas-Lostau, inspector general de l’Educacion Estatala.

 

Segon aquela reünion, lo nombre d’escolans qu’estúdian l’occitan dins lo 2d gra a mai que doblat en cinc ans. Ongan 2406 escolans estúdian la lenga del país dins los establiments de 2d gra de l’acadèmia, qu’entre eles 1701 son collegians e 705 son liceans. Lo nombre de professors a tanben pojat, dels 20 existents fa cinc ans als 28 qu’exercisson a l’ora d’ara dins l’Acadèmia de Niça.

 

Lo plan academic prevei atanben la produccion d’espleches pedagogics.

[Image: Académie de Nice - poblejat dins www.jornalet.com]