La cadena americana Telesur ven de lançar un jornal televisiu d’informacions en quíchoa, una lenga parlada per aperaquí dètz milions de personas dins los estats d’Argentina, Chile, Bolívia, Peró e l’Eqüator. Dins sa primièra emission, lo telejornal, presentat per Wendy Inarra, mostrèt tres emissions sostitoladas en espanhòl sus de nòvas de Bolívia.
Telesur es una cadena de television americana promoguda per l’estat veneçolan, qu’a l’ora d’ara a de delegacions en Argentina, Uruguai, Bolívia e l’Eqüator. La cadena a ja anonciat qu’emetrà tanben d’informacions en guaraní, “qu’es ara lenga oficiala del Mercosur” e de l’estat de Paraguai.
[Image: Telesur - poblejat dins www.jornalet.com]
Sem comentários:
Enviar um comentário