Mensprètz a la wikipedia occitana

D’administrators de la wikipedia francofòna dison que la version occitana es sa “pobèla”

S’es passat un autre atac a la wikipedia occitana dins la wikipedia francesa. Aqueste còp, l’administrador wikipedista Joan-Francés Blanc es estat atacat per un certan Patrick Rogel, que finalament publiquèt un messatge en disent que la wikipedia occitana “seriá de qualque sòrta la pobèla de la wikipedia francesa”.

 

En cercant sus de blògs critics sus la wikipedia en francés, podem remarcar que lo dich Patrick Rogel seriá un escais utilizat per un grop de personas que s’alègran a “terrorizar” los utilizaires que son contra lor politica arbitrària d’escafament. 

[Image: Johann Dréo - poblejat dins www.jornalet.com]