Mossur T e lei Jovents conquistan lo public anglés amb lor darrièra òbra

Opérette es un disc que recupèra las cançons marselhesas dels ans 1930-1940 

Mossur T e lei Jovents [Moussu T e lei Jovents] conquistan totjorn lo public anglés. The Guardian ven de publicar una critica fòrça positiva de lor darrièra òbra, Opérette, mai que mai en felicitant la banda de La Ciutat pel nòu estil e per recuperar las cançons marselhesas dels ans 1930-1940, e en se congostant per lo tractament que se fa de las cançons en lenga occitana.

La banda provençala conquistèt ja la critica de The Guardian amb son òbra precedenta, Artèmis. Aquel disc foguèt classificat dins los dètz melhors albums de musica del Mond, segon Clive Davis, critic musical dels jornals The Times e The Sunday Times. 

[Image: Foire à l'autogestion - poblejat dins www.jornalet.com]