La vila aviá organizat una jornada en favor de l’independéncia de Catalonha
La dimenjada passada, l’ostal de la vila de Leitza (Bascoat) despleguèt una bandièra independentista catalana, dins l’encastre d’una jornada en favor del referendum per l’independéncia de Catalonha. Aquela accion a pas agradat a l’estat espanhòl, qu’a fach sa denóncia al Tribunal Superior de Justícia de Navarra, segon çò que rapòrta Naiz.
“Foguèt desplegada una granda bandièra independentista catalana que cobrissiá la bandièra d’Espanha e los autres signes constitucionals que cal exibir als ostals de la vila, segon la lei dels simbòls”, çò diguèt lo delegat del govèrn en Navarra.
Dins la documentacion qu’a mandat al ministèri public, lo govèrn espanhòl remembra que se son debanats d’“autres eveniments similars” coma “la cremada de bandièras espanhòlas” o “l’ocultacion sistematica de la bandièra espanhòla del balcon de l’ostal de la vila”.
“Foguèt desplegada una granda bandièra independentista catalana que cobrissiá la bandièra d’Espanha e los autres signes constitucionals que cal exibir als ostals de la vila, segon la lei dels simbòls”, çò diguèt lo delegat del govèrn en Navarra.
Dins la documentacion qu’a mandat al ministèri public, lo govèrn espanhòl remembra que se son debanats d’“autres eveniments similars” coma “la cremada de bandièras espanhòlas” o “l’ocultacion sistematica de la bandièra espanhòla del balcon de l’ostal de la vila”.
[Poblejat dins www.jornalet.com]
Sem comentários:
Enviar um comentário