Dempuèi las darrièras protèstas socialas en Brasil, la polícia de Rio de Janeiro (Brasil) es a recercar Mihaïl Bakunin per far partida d’una banda armada, e mai se lo grand teorician de l’anarquisme moriguèt en 1876.
La polícia civila cèrca Bakunin coma un dels 23 suspèctes d’accions violentas dins un rapòrt de mai de 2000 paginas, segon d’informacions de Folha de São Paulo.
Lo 30 de julhet passat, se debanèt dins aquela vila brasilièra una manifestacion contra una nòva lei que cèrca de criminalizar los movements socials e las luchas popularas. Certans activistas portavan de mascas del filosòf anarquista, que foguèt mençonat dins un SMS que la polícia interceptèt. D’aquí que Bakunin fa partida de l’enquèsta.
[Poblejat dins www.jornalet.com]
Sem comentários:
Enviar um comentário