Hollande vei l’independéncia de Catalonha coma un dels grands enjòcs d’Espanha

Dimars se reüniguèt amb lo rei espanhòl Felip VI

Felip VI e Letícia dinnèron dimars passat a l’Elisi amb lo president de l’estat francés, François Hollande. Abans, Hollande aviá prononciat un discors public que i diguèt que la crisi europèa “a incitat a refortir las entitats regionalas que vòlon èsser nacionalas”. Mençonèt pas Catalonha mas tot fa pensar que i fasiá referéncia.

 

Hollande diguèt tanben que cal priorizar “la coesion sus la division” e la “solidaritat sus la paur”. Lo president francés parlèt sustot de la pèrda de fisança dels ciutadans envèrs lo projècte de l’Union Europèa.

 

Coma o soslinhèt la premsa internacionala lo jorn del coronament de Felip VI, Catalonha es un dels principals problèmas del rei espanhòl. 

[Poblejat dins www.jornalet.com]