L'Universitat Autonòma de Barcelona que hè la soa dètz-e-navau edicion de las Jornadas occitanas deu 5 au 28 de mai. Enter autas activitats, que i aurà exposicions e seradas sus Frederic Mistral e Martí de Riquer.
Que hestejam augan lo centenari de la mort de l'autor provençau Prèmi Nobèl e lo centenari de la vaduda deu medievista mort en seteme passat. L'Universitat que'us a volut har omenatge. Las exposicions sus aqueths dus grans òmis que son installadas a la Bibliotèca d'Humanitats.
Que son tanben previstas conferéncias, exposicions, taulas redonas, presentacions de libres e musica pendent tot lo mes. Que trobaratz lo programa complet de las Jornadas occitanas suu site de l'UAB.
[Poblejat dins www.in-oc.org]
Sem comentários:
Enviar um comentário