quarta-feira, 16 de abril de 2014

Lo maraton de Pyeongyang s’es dobèrt als esportius amators estrangièrs

Al delà de la reüssida qu’an darrièrament las corsas popularas de pertot, lo torisme esportiu a tanben aumentat. Es a dire, los viatges per passar una dimenjada dins una vila de l’estrange e per participar a d’espròvas atleticas. Tre ara, los “toristas atletics” an una destinacion possibla de mai: Pyeongyang. La capitala de la Corèa del Nòrd organiza cada an, dempuèi 1981, lo dich Maraton Internacional Mangyeongdae, que se debanèt dimenge passat e que fin finala s’es dobèrt als esportius estrangièrs; e doncas i poguèron participar d’atlètas amators de tot lo Mond.

Los esportius vesitaires aguèron, doncas, l’oportunitat de passar en tot córrer pels espacis emblematics de la capitala nòrd-coreana, coma l’Estadi Gim Ilseong (Kim Il Sung), l’Arc de Trionf e la Tor de l’Amistat.

Lo maraton de Pyeongyang se correguèt per lo primièr còp en 1981 dins la categoria masculina, e en 1984 dins la femenina. 

[Poblejat dins www.jornalet.com]

Sem comentários:

Enviar um comentário