Segon d’informacions de Nationalia, la Ràdio Publica del Principat d’Astúrias (RPA) ven de lançar un bulletin informatiu dins la lenga del país cada jorn a 13 oras. S’agís del primièr informatiu dins aquela lenga que se fa dins un mèdia public.
Aquela nòva arriba qualques setmanas après que l’Acadèmia de la Lenga Asturiana e 26 associacions, sindicats e fondacions reclamèsson mai d’espacis en lenga asturiana dins los mèdias publics del país, que fins ara, èra presenta solament dins 2% de las emissions.
Aquel espaci informatiu l’a fach possible l’iniciativa personala de Naciu Varillas, celèbre escrivan e jornalista asturian.
[Image: RTPA - poblejat dins www.jornalet.com]
Sem comentários:
Enviar um comentário