Un deputat breton a mandat sos vòts en galò e en breton

Paul Molac es deputat del departament breton de Mor-Bihan a l’Assemblada Nacionala francesa. Sòci de l’UDB (Union Democratica Bretona / Unvaniezh Demokratel Breizh), originari de Plleurmè (Ploermael), Molac es un locutor del galò, la lenga romanica de Bretanha, e del breton, la lenga celtica. A l’Assemblada francesa, es un dels mai actius dins la defensa de las lengas e culturas minorizadas.

 

Per los sieus primièrs vòts (es deputat dempuèi aqueste an), a mandat al mond de sa circonscripcion un document amb un tèxt en galò e un tèxt en breton (en mai del francés). Es pas lo primièr còp qu’un elegit manda sos vòts amb una traduccion o qualques mots en breton mas, de segur, qu’es lo primier deputat a o far en galò. 

 

Fabien Lecuyer

[Poblejat dins www.jornalet.com]