El Govern de la Generalitat atorga a l’Institut d’Estudis Aranesi el caràcter d’acadèmia de l’occità, aranès a l’Aran

Er Institut d’Estudis Aranesi ei era maximala institucion encargada d’establir e actualizar era nòrma lingüistica der aranés

Eth decrèt sollicite ar Institut a collaborar damb es entitats academiques, de recèrca o culturaus arreconeishudes pes institucions publiques der espaci occitan, en establiment dera nòrma lingüistica de referéncia entath conjunt dera lengua occitana 

Eth Govèrn a aprovat eth decrèt peth quau s’autrege ar Institut d’Estudis Aranesi eth caractèr d’Academia e d’autoritat lingüistica der occitan, aranés ena Val d’Aran, a prepausa des departaments de Cultura e de Justícia. Er occitan ei era lengua pròpia d’Aran, a on ei nomentada aranés, e ei lengua oficiau en conjunt de Catalunya d’acòrd damb er Estatut de 2006. Er encastre d’accion der Institut d’Estudis Aranesi ei Catalunya.

Er objècte der Institut d’Estudis Aranesi ei era nauta investigacion e estudi der aranés e er establiment des critèris de normatiua d’acòrd damb es principis dera Gramatica occitana de Loís Alibèrt e es Nòrmes Ortografiques der aranés, coma part integranta der espaci lingüistic e culturau occitan.

Atau madeish, a de collaborar damb entitats academiques, de recèrca o culturaus arreconeishudes pes institucions publiques der espaci occitan, er establiment dera nòrma lingüistica de referéncia entath conjunt dera lengua occitana.

Er Institut d’Estudis Aranesi ei damb aguest decrèt era autoritat entar assessorament ena matèria de lengua occitana, aranés en Aran, entàs administracions publiques e es organismes que ne depenen, entàs centres d’ensenhament public e privat e entàs mejans de comunicacion de titolaritat publica.

Eth Govèrn dera Generalitat e eth Conselh Generau d’Aran an impulsat amassa eth procès entà pr'amor qu’er Institut d’Estudis Aranesi age eth caractèr d’Academia, atau coma preve era Lei der Occitan, aranés en Aran, der an 2010.

Entà dar compliment ad aguest mandat, eth 30 de mai de 2012 se constituïc en Vielha eth Conselh de Politica Lingüistica der Occitan Aranés, coma organ paritari Generalitat - Conselh Generau d’Aran. En marc d’aguest conselh, s’a impulsat tant eth procès d’autrejament deth reng academic coma es bases deth decrèt aprovat agèr peth Govèrn.

“Dempús de dus ans de trabalh, s’a culminat damb un gèst fòrça important dera Generalitat de Catalunya cap ara identitat, cultura e lengua aranesa”, a manifestat eth vicesindic d’Aran e conselhèr d’Administracions Publiques, Finances e Coneishement, Luís Carlos Medina.

[Fòto: Jordi Bedmar - sorsa: www.conselharan.org]