Er ambaishador d'Espanha a Andòrra, Alberto Moreno, a defenut aguest dimars era possibilitat que Catalonha pogue hèr ua consultacion sobiranista sempre que sigue "laguens dera legalitat" e decidida damb eth Govèrn centrau.
Totun, en ua entrevista en Diari d'Andòrra recuelhuda per Europa Press, er exassessor de Relacions Internacionaus der expresident dera Generalitat José Montilla a deishat clar que votarie en contra dera independéncia de Catalonha perque cre que "no solucionarie cap des problèmes qu'an es catalans".
"Votarè en còntra, mès se i a ua majoria importanta cau acceptar-la", a sostengut Moreno, qui veirie un 65% de vòts a favor dera independéncia coma un resultat legitimat tostemp qu'auesse ua participacion ampla.
[Sorsa: www.europapress.cat]
Sem comentários:
Enviar um comentário