Limòtges es la granda vila de Lemosin, en Occitània. Fins ara i aviá pas
de granda preséncia de l’occitan dins la vila e mai s’es una vila
occitana ont lo mond parlan encara la lenga. A l’Edat Mejana, de
trobadors plan coneguts venián de Lemosin. Uèi i a una escòla Calandreta
a Lemòtges ont los enfants son escolarizats en occitan.
Curiosament fins ara i aviá pas de panèls en occitan dins la vila. A
l’ora d’ara aquel mal es reparat pel conselhièr municipal
d’Euròpa-Ecologia-Los Verds (EELV), e occitanista, Cyril Cognéras. A las
pòrtas de la vila, la comuna a mes de nòus panèls amb lo nom occitan
“Limòtges” dessús.
Fabien Lecuyer
Aquesta nòva ven del jornal breton 7Seizh amb qui Jornalet a un acòrdi de cooperacion.
[Poblejat dins www.jornalet.com]
Sem comentários:
Enviar um comentário