Aquela deputada a l’Assemblada Nacionala e adjoncha del cònsol socialista de Chamberí (Arpitània) es un personatge pauc abitual. E mai se milita al Partit Socialista (PS), Bernadette Laclais parla en i metent ni sal ni òli a l’ora de questionar qualques decisions del sieu pròpri partit e del quite president de la Republica Francesa. Fa qualques jorns, s’opausèt al fach que los parelhs omosexuals pòscan adoptar d’enfants, e ara planh la decision de François Hollande de non ratificar la Carta Europèa de las Lengas Regionalas e Minoritàrias. En una entrevista al jornal La Voix des Allobroges, revendica lo fach diferencial de Savòia en tot remembrar qu’es un territòri amb una lenga, una bandièra e un imne pròpris. Curiosament se referís pas a la rèsta d’Arpitània.
A son vejaire, cal que França faga una “reflexion” a respècte de sas lengas minorizadas, perque son “un patrimòni representatiu de l’identitat d’un cèrt nombre de territòris”. Concretament, revendica que la lenga arpitana, tanben coneguda coma francoprovençal, aja una reconeissença oficiala e que tenga, almens, la meteissa consideracion que recebon d’autras lengas regionalas amb un cèrt pes, coma lo basco o lo breton. Cal dire que Laclais admet que parla pas l’arpitan, un afar qu’ela meteissa ditz que planh fòrça.
[Image : Mathieu Delmestre - poblejat dins www.jornalet.com]
Sem comentários:
Enviar um comentário