Eth Conselh Internacionau de Coordinacion deth Programa sus er Òme e era
Biosfera (MAB) dera Unesco a declarat aguest dimars Tèrres der Ebre
(Tarragona) resèrva dera Biosfera, ua catalogacion qu'arreconeish
practiques innovadores per conciliar era activitat umana e era
conservacion deth miei ambient.
Segons an informat a Europa Press hònts dera Conselheria
d'Agricultura, Ramaderia, Pesca, Alimentacion e Miei Naturau dera
Generalitat, era zòna catalogada a ua superfície de 367.729 ectares, a
ua poblacion de 190.000 abitants e includís eth Delta e era conca der
Ebre.
Se tracte deth dusau còp que Tèrres der Ebre, en sud de Tarragona,
auie presentat ua candidatura per èster resèrva dera Biosfera, maugrat
qu'er an passat era sua proposicion siguec refusada perque includie
zònes pròplèus ara centrau nucleara d'Ascó, qu'aguest an an estat
retirades.
[Foto: EUROPA PRESS - poblejat dins www.europapress.cat]
Sem comentários:
Enviar um comentário