Lo nòu sit web de la Generalitat de Catalonha tanben en occitan

Generalitat de Catalonha

La Generalitat de Catalonha presentèt diluns passat son nòu sit web, tot modernizat. Al delà de melhorar la facilitat d’accès als contenguts e del dessenh adaptat als ordenadors, telefòns mobils e tauletas; e tanben al delà de fòrça novetats, ne cal soslinhar una: lo sit es consultable tanben en occitan.

 

Fins ara, la nòstra lenga èra presenta dins aquel sit dins qualques paginas especificas, mas ara tot lo sit es disponible en catalan, occitan, espanhòl e anglés. La varietat causida es majoritàriament l’aranesa, ja que son aqueles occitans los ciutadans qu’emplegaràn mai los servicis que la Generalitat de Catalonha prepausa als ciutadans. 

[Poblejat dins www.jornalet.com]