En Israel i en otras partes del mundo se están aprontando aktivitades por sigundo anyo para fiestar el DÍA INTERNASIONAL DEL LADINO que oganyo sera el 24 de disiembre, el dalkavo diya de Hanuka, komo esta desinyado.
La proposta, ke vino de la Asosiasión Sefarad i de la Autoridad Nasional del Ladino i su Kultura, las dos kon sede en Yerushalayim, i empesando el pazado anyo se fiestara el Día Internasional del Ladino, kon la esperansa ke kada anyo se aunen más paízes, universidades i institusiones a aprontar aktos i aktividades para este diya.
Asperamos ke mos manden informasion sovre los akontesimientos ke van a azer en kada lugar para puvlikar la lista de aktivitades, komo izimos el pazado anyo.
Envitamos a todos a akompanyar estas selebrasiones!
[Fuente: www.esefarad.com]
Sem comentários:
Enviar um comentário