Puigdemont ditz a Espanha que “coma a mal capitat la recèpta de la violéncia, la repression e la liquidacion de l’autogovèrn, comence fin finala l’èra del dialòg e la negociacion”
Pel primièr còp, lo tradicional messatge de cap d’an del president de la Generalitat de Catalonha, s’es fach de l’exili estant. Lo messatge es estat enregistrat a Brussèlas e es estat difusat a travèrs dels rets socials Twitter, Facebook e Instagram.
Dins son discors, lo president Puigdemont a exigit de l’estat espanhòl que “rectifique”, e mai que “repare lo damatge qu’a provocat” e que negòcie “politicament amb lo govèrn legitim de Catalonha”.
Puigdemont a dich al govèrn espanhòl que se pretend d’èsser vertadièrament una democracia europèa deu reconéisser lo resultat de l’eleccion del 21 de decembre passat. “Fòrça ciutadans espèran que, coma a mal capitat la recèpta de la violéncia, la repression e la liquidacion de l’autogovèrn, comence fin finala l’èra del dialòg e la negociacion que sèm a reclamar dempuèi d’annadas”, çò a assolidat Puigdemont en tot assegurar que lo discors de l’an que ven se farà, coma d’abitud, del Palais de la Generalitat estant.
A prepaus dels presonièrs politics, lo president catalan a afirmat qu’es per l’estat espanhòl una “vergonha” e un “escàndol”. “N’avèm quatre: lo vicepresident Oriol Junqueras, lo conselhièr Joaquim Forn, Jordi Sànchez e Jordi Cuixart”, çò a ramentat. “Los acusan, coma a totes nosautres, d’aver complit lor engatjament electorala e d’èsser estats fidèls al Parlament de Catalonha, amb la sola intencion de bastir un país melhor”, çò a denonciat.
Enfin, Puigdemont a desirat qu’aqueste 2018 “siá un an prospèr, un an de progrès e un an d’armonia ont se gaudisca de las valors constitutivas de la republica: libertat, egalitat e fraternitat”.
Dins son discors, lo president Puigdemont a exigit de l’estat espanhòl que “rectifique”, e mai que “repare lo damatge qu’a provocat” e que negòcie “politicament amb lo govèrn legitim de Catalonha”.
Puigdemont a dich al govèrn espanhòl que se pretend d’èsser vertadièrament una democracia europèa deu reconéisser lo resultat de l’eleccion del 21 de decembre passat. “Fòrça ciutadans espèran que, coma a mal capitat la recèpta de la violéncia, la repression e la liquidacion de l’autogovèrn, comence fin finala l’èra del dialòg e la negociacion que sèm a reclamar dempuèi d’annadas”, çò a assolidat Puigdemont en tot assegurar que lo discors de l’an que ven se farà, coma d’abitud, del Palais de la Generalitat estant.
A prepaus dels presonièrs politics, lo president catalan a afirmat qu’es per l’estat espanhòl una “vergonha” e un “escàndol”. “N’avèm quatre: lo vicepresident Oriol Junqueras, lo conselhièr Joaquim Forn, Jordi Sànchez e Jordi Cuixart”, çò a ramentat. “Los acusan, coma a totes nosautres, d’aver complit lor engatjament electorala e d’èsser estats fidèls al Parlament de Catalonha, amb la sola intencion de bastir un país melhor”, çò a denonciat.
Enfin, Puigdemont a desirat qu’aqueste 2018 “siá un an prospèr, un an de progrès e un an d’armonia ont se gaudisca de las valors constitutivas de la republica: libertat, egalitat e fraternitat”.
[Poblejat dins www.jornalet.com]
Sem comentários:
Enviar um comentário