Valls annexariá ben lo Barça dins la liga francesa de fotbòl se Catalonha ven independenta

“Dins tot aquò, Mónegue i jòga”, çò diguèt dins la revista Challenges

La revista setmanièra francesa Challenges, que fa partida del grop del jornal Le Nouvel Observateur, a publicat una entrevista del primièr ministre francés, Manuel Valls. Valls i ditz que seriá lèst per acceptar que lo Club de Fotbòl Barcelona, conegut popularament coma lo Barça, joguèsse dins la liga francesa en cas que Catalonha e Aran venguèsson un estat independent a respècte d’Espanha. “Dins tot aquò, Mónegue i jòga, e ben...”, çò justifiquèt lo primièr ministre.

[Poblejat dins www.jornalet.com]