Comtat de Niça: Socializar la lenga

Un tròç de papier convida lo mond
a se malfisar de la pintura fresca en
lo Pargue Caròl de Romania de Niça

L’Institut d’Estudis Occitans del País Niçard demanda una pluèja d’idèas sus las accions que se poirián far per “socializar la lenga, la far visibla per carriera, dins lu transpòrts publics, sus Internet…” per mejan d’accions simplas que costen pas gaire.

“Quora un, pensa socializacion, pensa ai panèus d’intrada en li vilas, lo nom dei carrieras bilingüi, ... a de causas que demandan totplen de trabalh e d’energia”, mas “l’i son d’accions que costan pas gaire” coma la que se presenta sus son sit: “un tròç de papier que convida lo monde a si maufidar de la pintura fresca en lo Parc Caròl de Romania de Niça”.

Amb idèas coma aquela, simplas e que costen pas gaire, l’IEO-06 demanda d’idèas de socializar l’occitan per carrièra, a metre en practica. Podètz mandar las vòstras idèas a segretariat.ieo06@yah...

Al delà, se volètz mandar de fòtos a Jornalet, las publicarem amb grand plaser, en tot far difusion d’aquelas idèas per que se socialize la lenga del país dins tot lo país. 

[Image: © IEO 06 - poblejat dins www.jornalet.com]