Un clavièr predictiu en occitan per telefòns intelligents e tauletas Android

Lo Congrès Permanent de la Lenga Occitana ven de lo publicar en doas versions, una gascona e una lengadociana

Lo Congrès Permanent de la Lenga Occitana (CPLO) ven de publicar un clavièr predictiu en occitan per telefòns intelligents e tauletas Android en doas versions, una gascona e una lengadociana. Lo clavièr a suènh de la coeréncia lingüistica e lexicala, e compren 931 000 formas pel gascon e d'autras 708 000 pel lengadocian.
 
Fonciona jos l'aplicacion de licéncia liura AnySoftKeyboard. Un còp installada, se pòt descargar de Google Play Store l'aplicacion Occitan gascon o Occitan lengadocian, o las doas.
 
Trobaretz sul sit web del CPLO mai d'informacions e tota l'informacion que fa besonh per descargar e installar lo clavièr.

[Poblejat dins www.jornalet.com]