Fa sièis meses se prepausèt aquel desfís en remarcar que solament lo 15% de las biografias publicadas sus aquela enciclopèdia cooperativa èran consagradas a de femnas
 |
L'iniciativa a comptat amb un rendètz-vos setmanièr, los dimars de 17h00 a 20h00, dins un espaci social d'una universitat catalana nomenat "Viquidones" (Wikifemnas) e lo projècte s'es promogut suls rets socials amb l'etiqueta #20000dones. © Amical Wikimedia
|
La comunautat catalanofòna de Wikipèdia es arribada als 20 000 articles sus de femnas abans lo 31 de decembre d’ongan. Èra una escomesa que s’èran autoimpausats en junh, quand mancava gaireben dos mila articles per aténher aquela chifra.
L’article amb lo qual son pervenguts a la chifra escomesa es dedicat a la cantadora d’opèra e actritz suedesa Brita Hertzberg. A l'ora d’ara an ja superada la chifra dels 20 000. De junh fins ara an escrich d'articles sus de femnas de divèrsas professions: academicianas, scientificas, artistas, musicianas, escrivanas, politicianas e religiosas.
L'iniciativa s’es apiejat sus un rendètz-vos setmanièr, lo dimars de 17h00 a 20h00, dins un espaci social d'una universitat catalana nomenat "Viquidones" (Wikifemnas), e lo projècte s'es promogut suls rets socials amb l'etiqueta #20000dones.
Amb aquel projècte, la comunautat wikipediaira catalana cèrca de far justícia a l'apòrt de las femnas a l'istòria de l'umanitat, mentre qu’aviá constatat que solament lo 15% de las biografias publicadas sus aquela enciclopèdia cooperativa èran consagradas a de femnas.
[Poblejat dins www.jornalet.com]
Sem comentários:
Enviar um comentário