An dobèrta la convocacion del Prèmi Aran de Literatura 2015

Lo Conselh General d’Aran ven de publicar la convocacion dels Prèmis Aran de Literatura, amb de prèmis fins a 1000 èuros. Lo concors literari a tres categorias: narracion, poesia e conte infantil, e s’i pòt presentar d’òbras escrichas en lenga occitana, dins totas sas varietats.

Los originals los cal mandar abans lo 29 d’abril de 2015, e los prèmis se liuraràn dins l’encastre de la Fèsta d’Aran (Hèsta d’Aran) de 2015, lo 16 de junh que ven, e los obratges premiats seràn publicats pel Conselh General d’Aran.

Las basas del concors literari las podètz legir dins lo document çai jonch.

[Poblejat dins www.jornalet.com]